Ermənistanın baş naziri Nikol Paşinyan Azərbaycanla sərhədin demarkasiyası işlərinə faktiki mərhələdə başlanacağını açıqlayıb və iddia edib ki, 4 strateji əhəmiyyətli Azərbaycan kəndi razılaşma yolu ilə geri qaytarılmasa, yenidən müharibə başlaya bilər.
Azərbaycan Ermənistanla sərhəd danışıqlarında Ermənistanın işğalı altında olan Bağanıs Ayrım, Aşağı Əskipara, Heyrimli və Qızılhacılı kəndlərinin qeyd-şərtsiz geri qaytarılmasını tələb edir. Sözügedən kəndlər Azərbaycanın Qazax vilayətindədir və 1990-1992-ci illər arasında Ermənistanın hücumları nəticəsində işğal olunub.
Paşinyan bəyanatında iki ölkə arasında sərhədin demarkasiyası işinin faktiki mərhələdə başlayacağını vurğulasa da, Azərbaycanla otuz illik münaqişəyə son qoyacaq sülh sazişi üçün sözügedən torpaqların qaytarılmasının zəruri şərt olduğunu bildirib.
“Əl-Cəzirə”də yer alan xəbərə görə, 30 ildən artıqdır yaşayış olmayan bu 4 kənd İrəvan ilə Gürcüstan sərhədi arasındakı əsas yolun üzərində yerləşdiyi üçün strateji əhəmiyyətə malikdir.
Rusiyanın TASS dövlət xəbər agentliyinin yaydığı videoda Paşinyan kəndlərlə bağlı razılığın əldə edilməməsinin müəyyən nəticələr verəcəyi barədə xəbərdarlıq edərək, “Bizim siyasətimiz müharibənin qarşısını almaqdır, müharibənin başlanmasına imkan verməməliyik. Əgər Ermənistan bundan imtina edərsə (Azərbaycanla sərhədlərin müəyyən edilməsi və çəkilməsi məsələsini müzakirə etməkdən), bu müharibəyə səbəb ola bilər.
Bu gün Ermənistana səfər edən NATO-nun baş katibi Yens Stoltenberqlə keçirdiyi mətbuat konfransında qonşu Azərbaycanla münasibətlərə toxunan Paşinyan deyib: “Bir daha təsdiq edirəm ki, Azərbaycanla münasibətləri üç prinsip əsasında həll etməyə hazıram, bunu dəfələrlə ifadə etmişəm.” Bu, Alma-Ata Bəyannaməsi əsasında bir-birinin ərazi bütövlüyünün tanınması, iki respublika arasında mövcud olan sərhədin bərpa olunmasıdır. 1991-ci ildə SSRİ-nin dağılması, 1991-ci ilə uyğun olaraq Ermənistan-Azərbaycan dövlətlərarası sərhədinin çəkilişi. Alma-Ata Bəyannaməsinə əsasən, regional infrastrukturlar, həmçinin əməkdaşlığın inkişafı ilə yanaşı, blokadanın götürülməsi də bərabərlik və qarşılıqlılıq prinsipləri əsasında, ölkələrin suverenliyinə və yurisdiksiyasına hörmətlə həyata keçirilməlidir”, – deyə o bildirib.
Paşinyan açıqlamasını belə davam etdirib:
“Sonuncu ilə bağlı mən “Sülhün kəsişməsi” layihəsini təqdim etdim ki, bu da bu məsələ ilə bağlı anlayışımızı tamamlayır. Biz beynəlxalq ictimaiyyətdən, o cümlədən NATO-dan Ermənistan və Azərbaycan arasında məlum prinsiplərə əsaslanan sülh prosesinə, eləcə də güclü dəstək gözləyirik. Ancaq bu təkliflərlə bağlı rəsmi Bakıdan hələ ki, müsbət cavab almamışıq”.
Mənbə: hurriyyət.tr
