Donald Tusk Polşanın yeni baş naziri olub.
Polşada parlament keçmiş baş nazir Donald Tuska yeni koalisiya hökuməti qurmaq səlahiyyəti verib.
Yeni hökumət çərşənbə günü prezident Andrzei Dudanın təsdiqi ilə prezident sarayında and içəcək.
Beləliklə, millətçi Hüquq və Ədalət Partiyasının (PİS) səkkiz illik hakimiyyət dövrü başa çatacaq. PiS iki müddətli hakimiyyəti dövründə Aİ rəsmiləri ilə çoxlu fikir ayrılıqları yaşamışdı.
Bununla belə, Tusk PiS qaydasının təsirlərini aradan qaldırmaq üçün verdiyi vədi yerinə yetirməkdə çətinliklərlə üzləşə bilər.
Tuskun mərkəzi koalisiyası oktyabrda keçirilən seçkilərdə ən çox yer qazansa da, indiyədək vəzifəsini icra edə bilməyib.
Mateusz Morawiecki-nin rəhbərlik etdiyi PiS seçkidə ilk partiya olaraq ortaya çıxıb. Lakin o, çoxluğun təkbaşına idarə olunmasını təmin edə bilməyib. Digər partiyalar PiS ilə koalisiyaya yanaşmadılar.
Və beləliklə Morawiecki etimad səsverməsini itirərək Tuskun hakimiyyətə qayıtmasına yol açdı.
2007-2014-cü illərdə Polşanın baş naziri vəzifəsini icra edən Tusk daha sonra Avropa Şurasının sədri vəzifəsini də icra edib.
Tuskun baş nazir təyin edilməsi üçün səsvermədən sonra koalisiya üzvləri Tuskun adını açıqlayıb və Polşa himnini oxuyublar.
Yeni koalisiyadan da gözləntilər böyükdür. Yeni hökumət əvvəlki administrasiyalar dövründə sistematik olaraq zəiflədildiyini bildirən məhkəmə sisteminin müstəqilliyini bərpa edəcəyinə söz verib.Tusk deyib: “Biz qanunun aliliyini mümkün qədər bərpa edəcək bir sıra tədbirlər üzərində işləyirik”.
Tusk həmçinin Brüsselin qanunun aliliyi ilə bağlı narahatlıqlar səbəbilə buraxmaqdan imtina etdiyi AB-nin Polşa üçün nəzərdə tutulmuş 36 milyard avro vəsaitini blokdan çıxaracağını da vəd edib.
Mənbə: hurriyyət.tr
Aynur Camal
