Azərbaycanda növbədənkənar prezident seçkilərində 7 namizəd mübarizə aparacaq.
Azərbaycan Mərkəzi Seçki Komissiyası fevralın 7-də keçiriləcək növbədənkənar prezident seçkilərində daha 4 nəfərin namizədliyini təsdiq edib. Beləliklə, seçkidə 7 namizədin mübarizə aparacağı müəyyənləşib.
Daha əvvəl Yeni Azərbaycan Partiyası (YAP) tərəfindən namizədliyi irəli sürülmüş İlham Əliyev, müstəqil namizəd Zahid Oruç və namizədliyi irəli sürülmüş Milli Cəbhə Partiyasının sədri Razi Nurullayevin namizədliyini təsdiq edən İdarə Heyətinin bu gün sonuncu iclası keçirilib.
İdarə Heyəti partiyaları tərəfindən namizədliyi irəli sürülmüş Böyük Quruluş Partiyasının sədri Fazıl Mustafa, Böyük Azərbaycan Partiyasının sədri Elşad Musayev, Bütöv Azərbaycan Xalq Cəbhəsi Partiyasının sədri Qudrət Həsənquliyev və müstəqil namizəd Fuat Əliyevin namizədliyini təsdiqləyib.
Seçkidə iştirak üçün 17 nəfər müraciət etdiyi halda, İdarə Heyəti bu namizədlərdən 10-nun ərizəsini lazımi sənədləri təqdim etmədiklərini əsas gətirərək təsdiq etməyib.
Azərbaycan prezidenti İlham Əliyev növbədənkənar prezident seçkilərinin fevralın 7-də keçirilməsi barədə qərar verib.
Prezident seçkilərinin 7 ildən bir keçirildiyi Azərbaycanda sonuncu seçki 2018-ci il aprelin 11-də keçirilib.
Mənbə: TrtHaber
Aynur Camal
