Bu gün səhər saatlarında Qazaxıstanın birinci prezidenti Nursultan Nazarbayevin kiçik qardaşı Bolat Nazarbayev vəfat edib.
“Yeni Gundem” xəbər verir ki, bu barədə KazTAG saytı məlumat verib.
Ukibayın aydınlaşdırdığı kimi, eks-prezidentin qardaşı “uzun sürən xəstəlikdən sonra” 70 yaşında vəfat edib. Qazaxıstan Prezidenti Administrasiyasının Tibb Mərkəzinin Mərkəzi Klinik Xəstəxanası bildirib ki, Bolat Nazarbayevin ölümü yerli vaxtla saat 9:51-də (Moskva vaxtı ilə 6:51) qeydə alınıb. Bundan əvvəl onun ürək tutması ilə yenidən xəstəxanaya yerləşdirildiyi və vəziyyətinin ağır olduğu bildirilib.
Bolat Nazarbayev 1953-cü il martın 23-də Almatı vilayətinin Şamalgan kəndində anadan olub. 1989-cu ildən sahibkarlıqla məşğul olmağa başlayıb. 1992-1997-ci illərdə Nazarbayev Qazaxıstan Kənd Təsərrüfatı Məhdud Məsuliyyətli Cəmiyyəti “İnkar Aqro”nun vitse-prezidenti olub, 1997-ci ildən isə “BN Invest” maliyyə-sənaye holdinqinə rəhbərlik edib.
O, həmçinin yoxsullara yardım məqsədi ilə “Salikalı Urpak” (Soylu nəsil) xeyriyyə fondunu təsis edib. Son iki ildə Bolat Nazarbayevin adı müxtəlif aktivlərin özəlləşdirilməsinin nəticələrinə baxılması ilə bağlı çoxsaylı məhkəmə işlərində hallanıb.
Mənbə: mail.ru
Aynur Camal
