Bunu etmək üçün qadcetlərinizə “valideyn nəzarəti” quraşdırmaq lazım deyil. Yeddi uşaq atası olan psixiatr Riçard Vordsvort internetdə evindəki qadcetlərlə bağlı qaydalardan danışıb. Kişi ekran vaxtına çıxış əldə etmək üçün uşağın yerinə yetirməli olduğu bir neçə tapşırığın siyahısını hazırlayıb. Scary Mommy bu barədə yazır.
Wadsworth və həyat yoldaşı bir yaşdan 17 yaşa qədər yeddi uşaq böyüdürlər. Öz planşetləri və ya telefonları olanlar qadcetlərdən istifadə etmək üçün ailə başçısının tərtib etdiyi işlər siyahısından istənilən elementi tamamlamağı seçməlidirlər. Kişi aşağıdakı hərəkətləri təklif edir:
Otağı təmizləyin: paltarları səliqə ilə qatlayın, zibilləri çıxarın, çarpayı düzəldin, oyuncaqları yerinə qoyun.
Ümumiyyətlə evin ətrafında faydalı bir şey edin.
Evin bütün mərtəbələrini, o cümlədən pilləkənləri təmizləyin.
İdmanla məşğul olun: qaçış bandında bir yarım kilometr gəzin və ya 20 dəqiqə ərzində hər hansı digər fiziki məşq edin.
Növbəti gün üçün nahar hazırlayın.
Tualeti təmizləyin.
Əşyaları yuyun və ya asın.
Həkim vurğulayır ki, o, uşaqları idmanla məşğul olmağa məcbur etmir, lakin onlar qadcetlərdən istifadə etmək istəyirlərsə, müəyyən tapşırıqları yerinə yetirməlidirlər. Məsələn, oğlu səhər saat altıda durur və məşq edir ki, dərsdən sonra dostu ilə onlayn oyun oynayaraq vaxt keçirə bilsin.
Ata deyir ki, valideynlər övladlarının ekran vaxtına nəzarət etməlidirlər. O, həmçinin xatırladıb ki, qadcetlərdən nəzarətsiz istifadə yeniyetmələrdə depressiya və təşvişin inkişafına gətirib çıxarır.
Mütəxəssislər əvvəllər valideynlərə uşaqların ekran vaxtını məhdudlaşdırmamağı, əksinə alternativ təklif etməyi tövsiyə edirdilər.
Mənbə: mail.ru
Aynur Camal
