Google pulsuz sənəd skaneri təqdim etdi: onu necə işə salmaq olar
Bu xüsusiyyət Files proqramında görünüb. Google öz Files proqramına sənədləri skan etmək imkanı əlavə edib. Bu barədə X sosial şəbəkəsində (keçmiş Twitter) jurnalist Mişal Rəhman məlumat verib.
Skaner Google Disk tətbiqinə oxşar şəkildə işləyir. Funksiyanı açmaq üçün “Fayllar” menyusunda xüsusi düyməni sıxmaq lazımdır. Kameranın iki rejimi var – mexaniki və avtomatik. Birincisi istifadəçiyə skan edilmiş obyektin sərhədlərini seçməyə imkan verir. İkinci rejim avtomatik olaraq parametrləri aşkar edir. Skandan sonra siz şəkli kəsə və ya döndərə və görüntü keyfiyyətini dəyişə bilərsiniz. Sənədlər PDF formatında saxlanılır. Onları “Skan edilmiş” bölməsində tapa bilərsiniz. Qeyd olunur ki, şəkillər telefonun özündə emal olunur və “Fayllar” yalnız hazır nəticəyə çıxış əldə edir.
Yeni funksiya bəzi istifadəçilər üçün Android tətbiqinin beta versiyasında 1.2729.x nömrəsi altında peyda olub. Göründüyü kimi, skanerə giriş serverdə uzaqdan aktivləşdirilib. Rəhmanın sözlərinə görə, bu funksiya əsasən Google Pixel smartfonlarının sahibləri tərəfindən alınıb. Hər kəsin skanerdən nə vaxt istifadə edə biləcəyi hələ açıqlanmayıb.
Mənbə: mail.ru
Aynur Camal
