Aprelin 26-da Özbəkistan Prezidenti Şavkat Mirziyoyev ilə Rusiya Prezidenti Vladimir Putin arasında telefon danışığı olub.
“Yeni Gundem” xəbər verir ki, bu barədə Özbəkistan prezidentinin mətbuat xidməti məlumat yayıb.
Söhbət zamanı praktiki əməkdaşlığın genişləndirilməsi, ticarət əlaqələrinin sürətinin təmin edilməsi və aparıcı müəssisələrin kooperasiya layihələrinin dəstəklənməsi məsələləri müzakirə olunub.
İki ölkənin liderləri “İNNOPROM. “Mərkəzi Asiya” beynəlxalq sənaye sərgisinin səmərəli nəticələrini qeyd edib.
Söhbət zamanı avtomobil sənayesi, dəmir yolu nəqliyyatı, əczaçılıq, kimya sənayesi və digər prioritet sahələr üzrə qarşılıqlı faydalı əməkdaşlığın daha da genişləndirilməsinin vacibliyi vurğulanıb.
Sənaye ipotekası, klasterlər, sənayenin inkişafı fondu kimi alətlərin inkişafı üzrə qabaqcıl təcrübənin öyrənilməsinə maraq ifadə olunub.
Həmçinin regional əməkdaşlığın cari aspektləri ətrafında fikir mübadiləsi aparılıb.
Dialoqun sonunda Özbəkistan prezidenti Rusiya Federasiyasının ərazisində Konstitusiyaya dair qarşıdan gələn referendumun keçirilməsinə verdiyi dəstəyə görə Rusiya prezidentinə minnətdarlığını bildirib.
