Rusiya prezidenti Vladimir Putin Türkiyə Cümhuriyyətinin yaranmasının 100-cü ildönümü münasibətilə prezident Rəcəb Tayyib Ərdoğana təbrik məktubu göndərib.
“Yeni Gundem” xəbər verir ki, Türkiyə Cümhuriyyətinin 100-cü ildönümü münasibətilə digər bir çox ölkələrdən də təbrik mesajları gəlib.
Putin mesajında “Əziz dostum, Türkiyə Cümhuriyyətinin elan edilməsinin 100-cü ildönümü münasibətilə ən səmimi təbriklərimi qəbul etməyinizi xahiş edirəm. Ötən əsrdə ölkəniz bir çox çətinliklərin öhdəsindən gəlib, iqtisadi, sosial və digər sahələrdə tanınmış uğurlar əldə edib. Türkiyə dünya arenasında haqlı olaraq yüksək nüfuza malikdir. “Müxtəlif sahələrdə əməkdaşlıq yaxşı nəticələr verir və böyük birgə layihələr sistemli şəkildə həyata keçirilir.
Putin mesajında Rusiya və Türkiyənin xarici siyasətdəki səylərinə də toxunaraq, “Moskva və Ankara regional və qlobal gündəmdəki mühüm məsələlərin həlli istiqamətində səylərində uğurla əməkdaşlıq edirlər. Əminəm ki, biz dost xalqlarımızın mənafeyi naminə, daha ədalətli və demokratik dünya düzəninin qurulması naminə ikitərəfli əlaqələrimizi bundan sonra da bütün aspektlərdə inkişaf etdirəcəyik”.
Kremlin mətbuat xidmətinin yaydığı mesajda Putin türk xalqına xoşbəxtlik və firavanlıq arzulayıb.
Mənbə: hurriyyət.tr
Aynur Camal
