London Kral Kollecinin alimləri müəyyən ediblər ki, qarağat 2-ci tip diabetin inkişaf riskini azalda bilər.
“Yeni Gundem” xəbər verir ki,araşdırmanın nəticələri “Food & Function” jurnalında dərc olunub.
Tədqiqatda 18 yaşdan 70 yaşa qədər 29 nəfər iştirak edib. Alimlər onları iki qrupa ayırıblar: birinci qrupdan olan subyektlər hər gün qarağat fenolları və sitrus polifenolları olan içkilər qəbul ediblər. Fenollar və polifenollar antioksidan xüsusiyyətlərə malik təbii birləşmələrdir.
İkinci qrup plasebo qəbul ebib.
Təcrübənin sonunda məlum olub ki, tərkibində fenol və polifenol olan içkilər qəbul edən subyektlərin qanında insulin səviyyəsi azalıb. İnsulin hormonunun əsas funksiyası qlükozanı (şəkər) hüceyrələrə daşımaqdır. Bəzən hüceyrələr buna davamlı olur, yəni insulinə reaksiya vermirlər. Bu zaman qidadan alınan qlükoza hüceyrələrə daxil olmur və qanda toplanır. Bu vəziyyət tip 2 diabetin inkişafına səbəb ola bilər.
Fenolların və polifenolların qanda insulin səviyyəsinə təsir etmə qabiliyyətinin əsasını təşkil edən mexanizmlər hələ öyrənilməmişdir. Alimlər qeyd ediblər ki, bu birləşmələrin prediabetli insanlara fayda verə biləcəyini anlamaq üçün əlavə araşdırmalara ehtiyac var.
Mənbə: mail.ru
Aynur Camal
