London ICE Fond Birjasında Robusta qəhvəsinin qiyməti qalxdı.
“Yeni Gundem” əldə etdiyi məlumata əsasən xəbər verir ki, bu gün London ICE Fond Birjasında Robusta qəhvəsinin fyuçers qiymətləri hər ton üçün 2815 dollara qalxaraq, iki faiz artaraq son 15 ilin rekordunu ötüb.
Bloomberg qeyd edir ki, ticarətin əvvəlində müəyyən edilmiş qiymət 2008-ci ildən, kofe müqavilələri ilə ticarətin yeni başladığı vaxtdan bəri ən yüksək qiymət olub. Ümumiyyətlə, robusta (qəhvə növü) 2023-cü ilin əvvəlindən 50 faiz bahalaşıb.
Robusta paxlası ən çox həll olunan qəhvə, espresso və üyüdülmüş qarışıqları hazırlamaq üçün istifadə olunur. Qəhvənin qiyməti əlverişsiz hava şəraiti, tələbatın artması və gübrələrin qiymətinin artması fonunda bahalaşıb.
ABŞ İqlim Proqnozlaşdırma Mərkəzinin məlumatına görə, El Nino – ekvatorial Sakit Okeanı adi haldan üç dərəcədən çox olmayan isti buraxaraq, yağıntı və temperatur modellərini dəyişən hava hadisəsidir. Əks fenomen La Nina adlanır. Bu hava hadisələri iki ildən yeddi ilədək bir tezliklə müşahidə olunur və məhsuldarlığı azaldır.
Quraqlıq gübrə qiymətlərinin artması ilə birləşərək artıq məhsuldarlığı aşağı salıb. Robusta qəhvəsinin ən böyük istehsalçısı olan Vyetnam, çox güman ki, dörd il ərzində ən aşağı məhsul yığacaq. Bu çeşidin ikinci ən böyük istehsalçısı olan Braziliyada məhsuldarlığın beş faiz azalacağı gözlənilir. Əlverişsiz hava şəraiti ilə əlaqədar İndoneziyada istehsalın 20 faiz azalacağı proqnozlaşdırılır.
Yaşayış dəyərinin ümumi artımı səbəbindən Robustaya istehlakçı və yetişdirici marağı artıb. Bu amil daha bahalı həmkarına – Arabicaya (qəhvə növü) marağı azaldıb. Mövcud amillərə görə qlobal qəhvə bazarı həm 2023, həm də 2024-cü illərdə məhsul qıtlığı ilə üzləşə bilər.
Mənbə: LentaRu
Aynur Camal
