Bloomberg xəbər verir ki, Vyetnamda qəhvə məhsulu azalacaq, bu səbəbdən bu məhsulun dünya qiymətləri arta bilər.
Vyetnam, ilkin hesablamalara görə, hazırkı məhsuldan 1,6-1,7 milyon ton qəhvə dənəsi istehsal edəcək. Ho Chi Minh şəhərində keçirilən konfransda Vyetnam Qəhvə və Kakao Assosiasiyasının sədr müavini Do Ha Nam bildirib ki, bir il əvvəl məhsul 1,78 milyon ton təşkil edib. O, əlavə etdi ki, son məhsulun ehtiyatları demək olar ki, yoxa çıxıb.
Vyetnamdakı məhsul çatışmazlığı bu il qəhvənin bahalaşmasının ilk səbəbi deyil. 2023-cü ilin əvvəlində London birjasında Robusta fyuçersləri tədarük çatışmazlığı fonunda 2008-ci ildən bəri ən yüksək səviyyəyə qalxıb.
Vyetnam rəsmisinin qeyd etdiyi kimi, məhsulun azalmasına səbəb ölkədə əkinçilik sahələrinin daralması, eləcə də məhsuldarlığın aşağı düşməsidir.
Nam hesab edir ki, Vyetnamda qəhvə plantasiyalarının ümumi sahəsi təxminən 600 min hektardır. Kənd Təsərrüfatı Nazirliyindən verilən məlumata görə, 700 min hektar.
“Bu məlumat yalnız məlumat məqsədi daşıyır və fərdi investisiya tövsiyəsi təşkil etmir”.
Mənbə: mail.ru
Aynur Camal
