Səhiyyə naziri Fahrettin Koca sosial media hesabından Qəzzaya edilən ən böyük sağlamlıq yardımının yolda olduğunu açıqlayıb.
Nazir Koca, “51 konteyner tibbi ləvazimat və generatorun və 20 tam təchizatlı təcili yardım maşınının gəmi ilə daşınması üçün lazımi icazələr alındı və materiallar İzmirin Alsancak limanından gəmiyə yüklənərək yola düşdü” deyib.
Ötən gecə İzmir Alsancak Limanında lövbər salan quru yük gəmisinə tibb ləvazimatları və təcili yardımlar zabitlər tərəfindən yüklənib.
Yükləmə prosesi başa çatdıqdan sonra gəmi Misirin Əl-Ariş limanına getmək üçün limandan ayrılıb.
Səhiyyə naziri Fahrettin Koca, Türkiyə Böyük Millət Məclisinin Plan və Büdcə Komissiyasında etdiyi çıxışında, dərman, tibbi cihaz, 8 sahə xəstəxanası, 20 təcili yardım maşını və tibbi ləvazimat da daxil olmaqla təxminən 500 ton yardım avadanlığının çatdırılacağını bildirib.
Mənbə: TrtHaber
Aynur Camal
