Qızıl mədəninin çökməsi nəticəsində 1 işçinin öldüyü öyrənilib. Gecə boyu davam edən işdən sonra xilas edilən 29 işçidən birinin ağır yaralandığı açıqlanıb.
Avstraliyanın Viktoriya ştatının Ballarat şəhərində qızıl mədənində 30 işçinin işlədiyi ərazidə dünən axşam saatlarında çökmə baş verib. Mədəndəki işçilərdən 29-u bir neçə saat ərzində xilas edilərkən, 37 yaşlı işçi mədən girişindən təxminən 3 kilometr aralıda qayaların arasında qalıb. Komandaların gecə boyu apardığı işlər nəticəsində səhər saatlarında mədənçinin cansız cəsədi tapılıb.
Polisdən verilən açıqlamada, çökmə zamanı 28 işçinin təhlükəsiz əraziyə sığınmağı bacardığı, ancaq qayaların altında qalan və vəziyyəti ağır olan 21 yaşlı işçinin xəstəxanaya aparıldığı bildirilib.
Avstraliya İşçilər Həmkarlar İttifaqının baş katibi Ronnie Hayden hadisənin şoka düşdüyünü bildirərək, bu qəzanın qarşısını almaq lazım olduğunu bildirib. Həmkarlar ittifaqının şirkətə qarşı iddia qaldırmağa çalışacağını bildirən Hayden, həmkarlar ittifaqı üzvlərinin və idarəçilərin qəzəbləndiyini qeyd edib.
Hadisə ilə bağlı araşdırma başlanarkən, 2023-cü ilin dekabrında qızıl mədəninin istismarını təhvil alan Victory Minerals tərəfindən edilən şərhdə, “Hazırda prioritetimiz işçilərin və onların ailələrinin təhlükəsizliyidir” deyib.
Avstraliya İşçilər Həmkarlar İttifaqı daha əvvəl 2021-ci ildə başqa bir şirkət tərəfindən idarə olunan mədənlə bağlı təhlükəsizliklə bağlı narahatlıqlar qaldırmışdı. 2007-ci ildə mədəndə baş vermiş çökmədə 27 işçi sıxılmış və 5 saat davam edən xilasetmə əməliyyatından sonra işçilər heç bir xəsarət almadan mədəndən çıxarılmışdır.
Mənbə: hurriyyət.tr
Aynur Camal
