İsraildə keçirilən sorğunun nəticələrinə görə, respondentlərin 66 faizi oktyabrın 7-də buraxılan səhvlərə görə baş nazir Benyamin Netanyahunun müharibədən sonra istefa verməsini istəyir.
“Yeni Gundem”in əldə etdiyi məlumata görə, İsrailin “Yedioth Ahronoth” qəzeti ölkədə 18 yaşdan yuxarı 1442 nəfərin iştirak etdiyi rəy sorğusunun nəticələrini paylaşıb.
Sözügedən sorğuya görə, respondentlərin 75 faizi HƏMAS-ın hərbi qanadı İzzəddin əl-Qəssam Briqadaları tərəfindən başlanan Əl-Əqsa daşqını hücumlarında baş nazir Netanyahunun İsraildəki təhlükəsizlik boşluğundan məsul olduğuna inanır.
Rəyi soruşulanların 66 faizi Netanyahunun müharibədən sonra istefaya getməsini, 64 faizi isə müharibədən sonra İsrail parlamentinin buraxılmasını və ümumi seçkilərin keçirilməsini istəyir.
Əvvəlki seçkilərdə Netanyahunun Likud partiyasına səs verdiyini deyənlərin 45 faizi müharibədən dərhal sonra seçkilərin keçirilməsini istəyir.
Yedioth Ahronoth qəzeti bu gün dərc etdiyi hesabatda blokada altındakı Qəzza zolağında baş verən hazırkı hadisələrlə bağlı Netanyahu ilə İsrail ordusu arasında etimad böhranı olduğunu yazıb.
Dünən Haaretz qəzetində dərc olunan xəbərdə Netanyahunun 7 oktyabr hücumlarını proqnozlaşdırmamaq məsuliyyətindən qaçmağa çalışdığı və bu məsuliyyəti İsrail ordusunun üzərinə qoyduğu bildirilib.
Mənbə: TrtHaber
Aynur Camal
