Yeni Zelandiyada sahildə qapalı vəziyyətdə qalan və yaralanan 45 yalançı qatil balina və butulka burunlu delfinlərin evtanaziya edildiyi açıqlanıb.
Yeni Zelandiya Mühafizə Departamentinin (DOC) verdiyi açıqlamada, dünən yerli vaxtla saat 14:00 radələrində 45 yalançı qatil balina və şüşə burunlu delfin sürünün Mahia yarımadasının sahillərində qapalı vəziyyətdə qaldığı bildirilib. DOC Gisborne Əməliyyatlar üzrə Meneceri Mett Tonq bildirib ki, yerli sakinlər suyun səviyyəsi yüksələn zaman sürüləri yenidən üzməyə çalışıblar, lakin bir müddət sonra dəniz canlıları yenidən qayalıq ərazidə qapalı qalıb.
Tonq dedi: “Komandamız qayalıqda yaralı sürüyü tapdı. Onların bəziləri artıq ölmüşdü. “Onlar açıq-aydın əziyyət çəkirdilər və onları evtanaziya etmək ən humanist iş idi” deyib.
DOC-dan verilən açıqlamada, yaralanan balina və delfinlərin sağ qalma şanslarının son dərəcə aşağı olduğu, bu səbəbdən onların əziyyət çəkməməsi üçün evtanaziya edildiyi bildirilib.
Məlumdur ki, Yeni Zelandiya sahillərindəki balina və delfinlər xəstəlik, oriyentasiya pozğunluğu, coğrafi xüsusiyyətlər, su axını, ardınca yırtıcı və ya sərt hava şəraiti kimi səbəblərdən sahilə çıxır.
Mənbə: hurriyyət.tr
Aynur Camal
