Şəkidə ağır yol-nəqliyyat hadisəsi baş verib.
“Yeni Gündəm”in məlumatına görə, qəza bu gün səhər saatlarında İsmayıllı-Qaraməryəm-Şəki avtomobil yolunun, rayonun Köbər-Zəyzid kəndi ərazisindən keçən hissəsində qeydə alınıb.
Belə ki, iki “VAZ”markalı avtomobilin toqquşması nəticəsində 1 nəfər ölüb, bir-neçəsi isə yaralanıb.
Yaralılar Şəki Rayon Mərkəzi Xəstəxanasına çatdırılıb.
Hazırda ölən və yaralananların şəxsiyyəti dəqiqləşdirilir.
Faktla bağlı araşdırma aparılır.
