“Bəzi ukraynalılar Rusiya ilə sülh naminə ərazilərini qurban verməyə hazırdırlar”.
“Yeni Gundem” xəbər verir ki, bu barədə Bloomberg yazıb.
“Sorğular göstərir ki, azsaylı, lakin getdikcə artan ukraynalı azlıq Rusiyaya ərazi güzəştlərinin sülh üçün qaçılmaz qiymət ola biləcəyinə inanmağa başlayır”, – nəşr yazıb.
Məqalədə qeyd edilir ki, Qərbin yardımı Ukraynaya kömək etmir və Ukrayna Silahlı Qüvvələri il ərzində ciddi irəliləyiş əldə edə bilməyib. Bundan əlavə, Avropa rəsmiləri Amerika dəstəyinin azala biləcəyi bir ssenariyə hazırlaşdıqlarını bildirirlər, materialda deyilib.
Məqalə müəlliflərinin fikrincə, Kiyev bəzi müttəfiqlərin cəbhədəki vəziyyətin miqyasını tam dərk etməməsindən və Rusiyanın müdafiə xətlərinin gücünü lazımınca qiymətləndirməməsindən məyusdur.
Qərb mediası getdikcə ABŞ və Aİ-nin Ukrayna münaqişəsindən yorulmağa başladığını, Zelenski rejiminə dəstəyin zəiflədiyini yazır. NBC televiziyasının məlumatına görə, Amerika və Avropa rəsmiləri artıq Kiyev hakimiyyəti ilə Rusiya ilə sülh danışıqlarının mümkün nəticələrini, o cümlədən Ukraynanın razılığa gəlmək üçün nədən imtina etməli olduğunu müzakirə edirlər.
Mənbə: mail.ru
Aynur Camal
