İsrail və Fələstin arasındakı müharibənin 25-ci gününü tamamladığı bir vaxtda ABŞ-ın Yaxın Şərqdəki bazalarına hücumlar davam edir. Suriyanın şərqindəki Deyr əz-Zor şəhərində ABŞ qüvvələrinin yerləşdiyi Ömər neft yatağına raket hücumu həyata keçirilib.
“Yeni Gundem” xəbər verir ki, Pentaqonun sözçüsü Patrick Ryder, hücumdan sonra ABŞ Mərkəzi Komandanlığının (CENTCOM) bölgəsini 300 əsgərlə gücləndirəcəklərini açıqlayıb.
Fələstinə qanlı hücumlar həyata keçirən ABŞ Yaxın Şərqdə hədəf olmaqda davam edir. İraq və Suriyadakı Amerika bazalarına hücumlar günü-gündən artarkən, sonuncu hücum ABŞ-ın Suriyadakı bazasına edilib.
Sputnik-də yer alan xəbərə görə, Deyr əz-Zorda ABŞ qüvvələrinin yerləşdirildiyi Ömər neft yatağına hücumdan sonra iki partlayış baş verib.
15 GÜNDƏ 27 HÜCUM…
Pentaqonun mətbuat sözçüsü briqada generalı Patrik Rayder gündəlik mətbuat konfransında 17 oktyabrdan bu yana İraq və Suriyada ABŞ və koalisiya qüvvələrinə qarşı ümumilikdə 27 “kiçik miqyaslı hücum” həyata keçirib.
CENTCOM NƏDİR?
CENTCOM Birləşmiş Ştatların (ABŞ) Müdafiə Nazirliyinin 11 Birgə Döyüş Komandanlığından biridir. 1983-cü il yanvarın 1-də yaradılan o, Rapid Deployment Joint Task Force (RDJTF)-nin əvvəlki vəzifələrini öz üzərinə götürdü və onun məsuliyyət sahəsi Yaxın Şərqi, o cümlədən Afrikada İraq və Misir və Mərkəzi Asiyada Əfqanıstanı əhatə edir. Onun qərargahı Florida ştatının Tampa şəhərindəki MacDill Hərbi Hava Qüvvələri bazasında yerləşir.
Komandanlıq 1991-ci ildə Körfəz Müharibəsində Səhra Fırtınası Əməliyyatı, Əfqanıstan müharibəsi və İraq müharibəsi də daxil olmaqla bir çox hərbi əməliyyatlarda Amerikanın əsas aktivi kimi fəaliyyət göstərib. 2015-ci ildən etibarən CENTCOM qüvvələri əsasən Əfqanıstan, İraq və Suriyada yerləşdirilib.
Mənbə: TGRT
Aynur Camal
