Tarixdə bir ilk: Kosmosdan SMS göndərildi, smartfonlara yeni operator gəlir!
İlon Maska məxsus kosmik və aviasiya şirkəti SpaceX, aşağı orbitə göndərdiyi Starlink peykləri ilə kosmosdan Yerə internet təmin edə bilib.
Hazırda onlarla ölkədə aktiv şəkildə istifadə edilən Starlink-in bu il Türkiyədə aktivləşməsi gözlənilir. Bununla belə, SpaceX Starlink-i yalnız sabit internetlə məhdudlaşdırmır, onu mobil şəbəkəyə də gətirməyi planlaşdırır.
STARLINK-İN MOBİL VERSİYASI ÜÇÜN SMS SINAQLARI UĞURLA KEÇİLİB
Starlink tərəfindən edilən açıqlamada, peyklərin orbitə buraxılmasından 6 gün sonra mühəndislərin dünyanın müxtəlif yerlərində cib telefonlarından peyklərə mətn mesajları göndərdiyi və qəbul etdiyi açıqlanıb. Bu xüsusiyyətlə bağlı testlər hələ də davam edir.
Digər tərəfdən, Direct to Cell xüsusiyyətinin mərhələli şəkildə istifadəyə veriləcəyi də ifadə edilib. İş o yerə çatıb ki, şirkətin internet saytında mesajlaşmanın 2024-cü ildə, səsli zənglər və Əşyaların İnternetinin (IoT) isə 2025-ci ildə mövcud olacağı barədə məlumatlar yer alıb. Bir sözlə, bu funksiya işə salındıqdan sonra telefonun ən çox ehtiyac duyulduğu anda siqnal almaması kimi problemlər aradan qalxacaq.
SpaceX-in bu layihəsi ilə smartfonlar artıq kosmos vasitəsilə internet, zəng və SMS kimi xidmətlərə daxil ola biləcək. Hazırda sözügedən xidmət sınaq mərhələsindədir, lakin 2025-ci ildə həyatımıza daxil ola biləcəyini söyləmək mümkündür.
Mənbə: TGRT
Aynur Camal
