ABŞ mərkəzli hava yolu şirkəti Boeing-in MAX 737 model təyyarəsinin adi uçuş zamanı qapısının qırılmasının təsirləri hələ də gündəmdədir. Problemlər şirkəti gündəmdən kənarda saxlamasa da, indi yenisi əlavə olunub.
ABŞ-ın hava yolu şirkəti Boeing-in təyyarələrində yaşanan problemlər şirkəti gündəmdən çıxarmasa da, indi yenisi əlavə edilib. Son aylarda adi uçuş zamanı qapısı düşən Boeing-in MAX 737 model təyyarəsindəki sərnişinlər bir-birinin ardınca şirkəti məhkəməyə verməyə başlayıblar.
Yanvarın 5-də ABŞ-da yerləşən Alyaska Hava Yollarına məxsus Boeing MAX 737 model reysi təyyarənin qapısının üzərinə düşməsindən sonra Boeing-in təyyarələrinin istehsal prosesləri ilə bağlı əsas narahatlıqlar ortaya çıxıb.
ABŞ-da 171 MAX 737 model təyyarənin uçuşları qəfil qərarla dayandırılıb. Türk Hava Yolları (THY) donanmasında olan eyni modelli 5 təyyarənin uçuşlarını dayandırdığını açıqlayıb.
Təhqiqat aparılan təyyarədə narahatlıq doğuran “boş bolt” problemi aşkar edilib. ABŞ Federal Aviasiya Administrasiyasının (FAA) 737 MAX təyyarəsinin istehsal prosesi ilə bağlı başlatdığı araşdırmada 89 sınaqdan 33-ü uğursuz alınıb.
Digər tərəfdən, ABŞ-da Boeing təyyarələri müxtəlif problemlərlə bir-birinin ardınca təcili eniş edib.
Yanvar ayında qapısı qırılan və məcburi eniş edən təyyarədə olan 7 sərnişinin Alyaska Hava Yolları və Boeing-ə qarşı iddia qaldırmağa hazırlaşdıqları bildirilib. Bədənin kəsilmiş hissəsinin düz yanında oturacaqda əyləşən Cuong Tran adlı sərnişin iddiaçılar arasında idi.
Təyyarəni dolduran hava axını səbəbindən mobil telefonunu, corabını və ayaqqabısını itirən Tran, təhlükəsizlik kəməri sayəsində minlərlə metr aşağıya düşməkdən xilas olduğunu bildirib.
Vəkillər bildiriblər ki, qapısı uçan təyyarədə olan 7 sərnişin hadisədən təsirlənib, yaralanıb və ölümlə üz-üzə qalıb.
Təyyarədə olan sərnişinlər daha əvvəl “Boeing”ə qarşı məhkəmə iddiası qaldıraraq 1 milyard dollar təzminat tələb etmişdilər. Bir çox sərnişin iddia edir ki, insident zamanı salonda təzyiq çox sürətlə aşağı düşüb və oksigen maskaları işə yaramayıb.
2018 və 2019-cu illərdə Boeing-in 737 Max 8 model təyyarələrində baş verən qəzalarda 346 nəfər ölüb.
Mənbə: TGRT
Aynur Camal
