ABŞ-da şanslı oğlan tapdığı mineralı sevgilisinin şərəfinə adlandırıb.
Fransız Julien Navas Arkanzas ştatındakı Diamonds Dövlət Parkının Kraterində 7,46 karatlıq qəhvəyi almaz tapıb. Bu barədə Arkanzas Dövlət Parkları məlumat yayıb.
Bir turist Florida ştatının Kanaveral burnunda Vulcan Centaur raketinin buraxılışını izləmək üçün ABŞ-a uçub. Bundan sonra o, dostu ilə birlikdə dünyaca məşhur Arkanzas kraterinin Diamonds Parkına getməyə qərar verib. Bu, dünyada nadir yerlərdən biridir ki, hər kəs qiymətli daşları axtarıb tapıb, tapıntının dəyərindən asılı olmayaraq onları özü ilə apara bilər.
“Almaz krateri 1972-ci ildə Arkanzas əyalət parkına çevrildikdən sonra parka gələnlər 35 mindən çox almaz tapıblar. Burada almazları əsasən üç rəngdə tapa bilərsiniz: ağ, qəhvəyi və sarı. Ametist, qranat, jasper, əqiq, kvars və digər minerallara da rast gəlinir”, – bu barədə park rəsmiləri qeyd ediblər.
Julien Navas qızıl və ammonit axtarmağa həvəsli olduğundan bəxtini sınamağa qərar verib. Həvəskar xüsusi avadanlıq icarəyə götürərək qiymətli daşların axtarışına çıxıb. Yağışlı hava müvəffəqiyyətə kömək edib: yağış toz və kirin üst qatını yuyub apardı ki, minerallar birbaşa səthdə tapıla bilsin.Turist bir anda bir neçə daş kəşf etdi, onların arasında 7,46 karat ağırlığında qəhvəyi almaz da var. Navas qənimətinin dəyərini öyrənməkdən məmnun idi. “Mən cox şadam! Tək istədiyim tapdıqlarımı sevgilimə söyləməkdir”, – deyə fransız bildirib.
Navas almazı Karin adlı sevgilisinin şərəfinə adlandırıb. O, daşı iki yerə bölməyi planlaşdırır, birini seçdiyinə, ikincisini isə qızına verəcək.
Bundan bir qədər əvvəl ABŞ sakini də Crater of Diamonds Milli Parkında gəzinti zamanı böyük qiymətli daş tapmışdı. Almazın çəkisi 4,87 karat idi. Park rəsmiləri qayanın 2020-ci ildən bəri ərazidə tapılan ən böyük mineral olduğunu bildiriblər. Rekord hədd 9,07 karat ağırlığında burada aşkar edilmiş qəhvəyi almaz hesab olunur.
Mənbə: mail.ru
Aynur Camal
