Faydalarını öyrənənlər bu ikisini bir daha ayırmazlar.
Türk mədəniyyətinin vazkeçilməz içkiləri arasında yer alan türk qəhvəsini birdən çox şəkildə istehlak edirik. Türk qəhvəsi tez-tez lokum və ya şokoladla istehlak edilsə də, qəhvəyə xurma əlavə etdikdə hər şey birdən dəyişəcək. Türk qəhvəsi, şübhəsiz ki, mədəniyyətimizin ən əvəzolunmaz içkilərindən sayılır. Yeməkdən sonra, söhbət əsnasında, səhər acqarına və bir çox fərqli vaxtlarda istehlak edilən türk qəhvəsinin dadı insandan insana dəyişsə də, faydaları kifayət qədərdir.
Türk lokumu və ya şokolad kimi desertlər çox vaxt türk qəhvəsi ilə verilir. Amma bu süni şəkərli məhsullar orqanizmə zərər verir. Bunun əvəzinə türk qəhvəsinə xurma əlavə edib bu şəkildə içsəniz, onun bənzərsiz faydalarından yararlana bilərsiniz. Xurma ilə türk qəhvəsi içməyin faydaları bunlardır: Türk qəhvəsinə xurma əlavə edərək, bu şəkildə qəhvə içdiyiniz zaman əlavə şəkərə ehtiyacınız olmayacaq. Xurma bədənin ehtiyac duyduğu təbii şəkəri təmin edir və həmçinin qəhvənin faydalarından daha çox faydalanmağınıza kömək edir.
Türk qəhvəsi və xurmanı birlikdə istehlak etmək, xurmanın tərkibindəki sağlam şəkər və qəhvənin tərkibindəki kofein sayəsində enerji verir. Xurma və türk qəhvəsini birlikdə istehlak etmək də həzmi tənzimləməyə kömək edir. Bağırsaq hərəkətliliyini artıran ikili sayəsində qəbizlikdən qoruna bilərsiniz.
Türk qəhvəsi və xurmanın birlikdə istehlakı antioksidant təsir göstərir və toksinlərin bədəndən çıxarılmasına kömək edir. İmmuniteti gücləndirən türk qəhvəsi və xurma dueti ilə orqanizminizi dövri xəstəliklərdən qoruya bilərsiniz.
Mənbə: Haber Global
Aynur Camal
