İsveçdə uçan qutular peyda olub.
Qeyri-adi qurğular insanlara yemək çatdırır. İsveçin Värmde adasında (Stokholm yaxınlığında) pilotsuz təyyarələrdən istifadə edən ilk Avropa qida çatdırılması xidməti istifadəyə verilib. Bu barədə yerli Tele2 operatorunun mətbuat xidməti məlumat yayıb.
Xidmət mövcud Foodora çatdırılma tətbiqinə əsaslanır. Layihənin həyata keçirilməsi üçün Tele2 və dron istehsalçısı Aerit-in texnologiyalarından istifadə edilib. Yeməyi süd qutusuna bənzəyən pilotsuz uçan aparat Aerit Nimbi çatdıracaq. Bu “konu”ya kvadrokopterin yalnız şəxsi evlərə çatdırdığı kiçik bir qida və mal qutusu əlavə olunur.
Hələlik mənzillərə dəstək yoxdur. Dron qapıya qədər uçur və girişdə yemək qutusu qoyur. Bu anda istifadəçi sifarişin çatdırılması barədə bildiriş alır. Dronun naviqasiyası Əşyaların İnterneti və Tele2-nin 5G mobil şəbəkəsindən istifadə etməklə həyata keçirilir. Yeməkləri Foodora proqramından sifariş etmək olar – orada dron çatdırılmasını seçmək lazımdır.
Aerit mühəndisləri bildiriblər ki, onların pilotsuz təyyarəsi səssiz və təhlükəsizdir – yoldan keçənlərin müştəriyə uçarkən başlarına düşmə təhlükəsi yoxdur.
Aerit Nimbi üç qol üzərində düzülmüş 6 pərvanədən istifadə edir. Yük tutumu 4 kq, həcmi 10 litrə qədərdir. Bir şarjla dron 21 km-ə qədər uça bilir. Pilotsuz təyyarə maksimum yüklənərsə, uçuş məsafəsi 12 km-ə qədər azalır. Səs-küy səviyyəsi 65 dB-dir ki, bu da iki nəfər arasındakı sakit söhbətlə müqayisə edilə bilər.
“Biz Avropada əsl dron çatdırılmasını işə salmaqdan qürur duyuruq və Tele2 və Aerit-in bu maraqlı səyahətdə tərəfdaş olmasından məmnunuq”- Daniel Gustafsson Raba Foodora çatdırılma xidmətinin direktoru deyib.
Həmçinin mühəndislər dünyanın ən sürətli dronunu yaradıblar. O, 482 km/saata qədər sürətlənir.
Mənbə: mail.ru
Aynur Camal
