ABŞ Müdafiə Nazirliyi (Pentaqon) öz hesabatında hökumətin “naməlum anormal hadisələr” (UAP) adlandırdığı “naməlum uçan obyektlər” (UFO) ilə bağlı 1945-ci ildən bəri əldə edilən məlumatları araşdırdığını və mövcudluğunu göstərən heç bir dəlil olmadığını bildirib.
Pentaqonun All-Domain Anomaliyaların Həlli Ofisi (AARO) 1945-ci ildən ABŞ-da aparılan UAP araşdırmalarını toplayan hesabat dərc edib.
“Bütün məxfilik səviyyələrində aparılan araşdırmalar göstərdi ki, UFO hesabatları daha çox adi obyektlərin və təbii hadisələrin yanlış qavranılması nəticəsində hazırlanır”, – hesabatda deyilir.
Tarixi qeydlərin yadplanetlilərin varlığına dair dəlillərin olmadığı bildirilən hesabatda ABŞ hökuməti və özəl şirkətlərin yadplanetlilərə aid olduğu iddia edilən texnologiyanı tərs mühəndislik üsulu ilə inkişaf etdirdiyi iddiaları da rədd edilib.
Hesabatda UFO-ların və yadplanetlilərin varlığına dair heç bir dəlil tapılmadığı, mövzu ilə bağlı çoxlu kitab, film, internet və sosial media məzmununun olmasının ictimai rəyə təsir etdiyi və bəzi seqmentlərdə UAP-nin varlığına inamı artırdığı ifadə edildi.
Pentaqon, Konqres tərəfindən tələb olunan və cari UAP bildirişlərini qiymətləndirən hesabatın ikinci cildinin də hazırlıq mərhələsində olduğunu bildirdi. Yadplanetlilər varmı? Pentaqonun yeni bəyanatı!
ABŞ Müdafiə Nazirliyi UFO-ların və yadplanetlilərin mövcudluğuna dair heç bir dəlil olmadığını bildirdi. Pentaqon UFO hesabatlarının əsasən anlaşılmazlıqdan qaynaqlandığını açıqlayıb.
Mənbə: Ntv.Tr
Aynur Camal
