Ukrayna ordusu Rusiya ordusuna aid 2 helikopteri, həmçinin bir sursat anbarı və bir artilleriya maşını vurduğunu açıqlayıb.HƏMAS-ın hücumundan sonra İsrailin Fələstin torpaqlarına qarşı başlatdığı qanlı bombardmanların kölgəsində qalan Ukrayna-Rusiya müharibəsi ilə bağlı xəbər axını azalsa da, qanlı qarşıdurmalarla bağlı informasiya agentliklərində fasilələrlə yer almaqda davam edir.
“Yeni Gundem”in əldə etdiyi məlumata görə, Ukrayna Silahlı Qüvvələrinin Strateji Kommunikasiya Mərkəzi (StratCom) verdiyi yazılı açıqlamada, gecə saatlarında Rusiya ordusuna məxsus helikopterlərin və hava limanının texnikasının Ukrayna Silahlı Qüvvələri tərəfindən Luqansk və Berdyansk yaxınlığında vurulduğunu bildirib.
Ukrayna Baş Qərargahı bildirib ki, son sutkada quru qoşunları rus əsgərlərinin, silah-sursatının və texnikasının cəmləşdiyi ərazilərə 4 hücum həyata keçirib.
Açıqlamada o, Ukrayna raket bölmələrinin eniş bölgəsində 2 Rusiya helikopterini, sursat anbarını və artilleriya maşınını da vurduğunu ifadə edərək inkişafı təfərrüatlandırıb.
Digər tərəfdən, eyni bəyanatda bölgədəki son münaqişələr haqqında da məlumat verilib. Cəbhə xəttində son 24 saat ərzində 72 toqquşma baş verdiyi bildirilərkən, Rusiya ordusunun son sutkada Ukrayna ərazisinə 10 raket və 68 hava hücumu həyata keçirdiyi, mövqelərini və yaşayış məntəqələrini atəşə tutduğu bildirilib.
Mənbə: TGRT
Aynur Camal
