Hətta WhatsApp-da da olmayan yeni funksiya!
Viber messencerində söhbətləri qovluqlarda çeşidləmək imkanı olacaq. Bu barədə Rakuten öz saytında məlumat yayıb.
Funksiya Telegram messencerində olduğu kimi işləyəcək. Tətbiqdə, bütün yazışmalarla nişana əlavə olaraq beşə qədər qovluq yarada bilərsiniz. Çatlar, kanallar və icmalar bir və ya bir neçə qovluğa yerləşdirilə bilər. Ancaq bir neçə istisnalar var. Siz şirkətlərdən və ya müştərilərdən gizli söhbətləri və mesajları qovluqlara əlavə edə bilməyəcəksiniz. Tərtibatçılar qeyd ediblər ki, istifadəçilər tabların adını dəyişdirə biləcəklər. Onlar həmçinin qovluqdakı bütün söhbətləri oxunmuş kimi qeyd edə biləcəklər. Nişanlarınızı əsas ekranda “Qabaqcıl” bölmə vasitəsilə idarə edə bilərsiniz. Həmçinin 10-dan çox söhbəti olan istifadəçilər tətbiqi açarkən yeni funksiyanı görə biləcəklər.
Qovluqlar Viber 22.0-da görünəcək. Yeniləmə tədricən bütün istifadəçilərə əlavə olunacaq. Xüsusiyyət bir neçə ay ərzində istifadəyə veriləcək.
Mənbə: mail.ru
Aynur Camal
