WhatsApp-da stikerlər yaratmaq və redaktə etmək funksiyası olacaq.
Məşhur “WhatsApp” messencerinin istifadəçiləri əlavədə stikerlər yaratmağa və redaktə etməyə imkan verən yeni funksiyadan istifadə edə biləcəklər. Bu barədə WABetaInfo portalı məlumat yayıb.
Mütəxəssislər bildiriblər ki, messencerdə istifadəçilərin tətbiqdə stikerlər yarada biləcəkləri variantı olacaq. Bundan əlavə, WABetaInfo ekspertlərinin qeyd etdiyi kimi, istifadəçilər də mövcud şəkilləri redaktə etmək imkanı əldə edəcəklər.
“WhatsApp stikerlərinin yaradılması funksiyası, eləcə də fon silmə aləti istifadəçilərə üçüncü tərəf alətlərindən istifadə etmədən stikerləri cəld yaratmağa və redaktə etməyə imkan verəcək”, – deyə WABetaInfo vurğulayıb.
Yeni seçim artıq TestFlight proqramından iOS üçün WhatsApp-ın ən son versiyasını quraşdırmış bəzi beta testçiləri üçün əlçatandır. Yaxın gələcəkdə funksiyanın geniş istifadəçilər üçün əlçatan olacağı gözlənilir.
Bundan əvvəl məlum olmuşdu ki, “WhatsApp” Android cihaz istifadəçilərinə videozənglər zamanı ekranı paylaşarkən həmsöhbətləri ilə birlikdə videolara baxmaq və musiqi dinləmək imkanı verəcək yeni funksiyaya sahib olacaq.
Mənbə: Lenta.Ru
Aynur Camal
