Qəlyanaltı yemək vərdişi mədə xərçənginə səbəb ola bilər.
Onkoloq və cərrah Beslan Balkarov mədə xərçənginin inkişafına səbəb olan zahirən zərərsiz amilləri sadalayıb.
Balkarov birinci amili tam yemək əvəzinə həddindən artıq yemək və ya qəlyanaltı yemək vərdişi adlandırıb. Həmçinin, onun sözlərinə görə, xəstəliyə pivə, pendir, hisə verilmiş və qurudulmuş qidalarda olan azot və azot turşuları səbəb ola bilər. Həkim xəbərdarlıq edib ki, hətta adi tərəvəz və meyvələrin tərkibində nitrat və nitrit çox olarsa təhlükəlidir. “Xüsusi kimyəvi aktivliyə malik olaraq, onlar mədə selikli qişasının hüceyrələrinin bütövlüyünü poza bilirlər, sağlam hüceyrələrin şiş hüceyrələrinə çevrilməsinə səbəb olurlar” Balakarov deyib.
Mədədə xərçəng hüceyrələrinin digər potensial səbəbi Helicobacter pylori bakteriyasıdır. Onkoloq qeyd edib ki, bu patogenə yoluxma ən çox yuyulmamış əllər və ya başqasının qab-qacaqlarından istifadə nəticəsində baş verir. “Mədədəki bakteriyaların həyati fəaliyyəti nəticəsində ilk növbədə “adi” mədə-bağırsaq xəstəliklərinə, sonra isə mədə xərçənginə səbəb olan iltihabi proseslər inkişaf edir”, – Balkarov xəbərdarlıq edib. Bundan əvvəl ginekoloq və onkoloq Aleksey Muravlev yumurtalıq xərçənginin təhlükəsi barədə xəbərdarlıq etmişdi. Onun sözlərinə görə, xəstəlik simptomsuz keçir və 60-80 faiz hallarda yalnız III və IV mərhələdə aşkarlanır. Bundan əlavə, mədə xərçəngi genetik meyl səbəbindən inkişaf edə bilər. Alkoqol və tütün də bu xəstəliyin riskini artıran amillərdir, deyə həkim yekunlaşdırıb.
Mənbə: Lenta.Ru
Aynur Camal
