Alimlər xoşbəxt olmağın yollarını söylədilər – bunu öyrənə bilərsiniz.
Belə çıxır ki, biz xoşbəxt olmağı öyrənə bilərik, lakin uzunmüddətli faydalar yalnız daimi təcrübə ilə mümkündür.
Universitet tələbələrinin psixi rifahı ilə bağlı psixotəhsil kursu üzərində işləyən komanda uzunmüddətli təhlillər apararaq belə nəticəyə gəlib ki, tələbələrə xoşbəxtlik elminin öyrədilməsi onların rifahını əhəmiyyətli dərəcədə yaxşılaşdırıb. Alimlər öz nəticələrini Higher Education jurnalında dərc ediblər.
Bununla belə, yeni araşdırmalar müəyyən edib ki, tələbələr uzun müddət ərzində minnətdarlıq, məşq, meditasiya və ya jurnal yazmaq kimi kursda öyrəndikləri sübuta əsaslanan vərdişləri tətbiq etməyə davam etmədikcə, bu təkmilləşmə qısamüddətlidir.
Tədqiqatın baş müəllifi, professor Bruce Hud bunu idman zalına getməklə müqayisə etdi: sadəcə bir dərsə qatılmaqla, həmişəlik formada qala bilməyəcəyik. Fiziki sağlamlıq kimi, biz də ruhi sağlamlığımız üzərində daim çalışmalıyıq, əks halda təkmilləşdirmələr müvəqqəti olacaq.
Bristol Universitetində başlanan Xoşbəxtlik Elmi kursu Böyük Britaniyada ilk dəfədir. Bu, heç bir imtahan və ya kurs işini nəzərdə tutmur və psixologiya və nevrologiyada ən son araşdırmalara əsaslanaraq tələbələrə bizi həqiqətən xoşbəxt edən şeylər haqqında elmi faktları öyrədir.
Bu kursu bitirən tələbələr rifahlarının 10-15% yaxşılaşdığını qeyd etdilər. Ancaq yalnız kursdan öyrəndiklərini tətbiq etməyə davam edənlər iki ildən sonra rifahlarının yaxşılaşdığını söylədi.
Professor Hud qeyd edir ki, istər idman zalı məşqi, istər meditasiya, istərsə də elm əsaslı xoşbəxtlik kursu keçmək yalnız başlanğıcdır. Öyrəndiklərinizi müntəzəm olaraq tətbiq etmək öhdəliyini götürməlisiniz. Kursun əsas hissəsi diqqətimizi özümüzdən uzaqlaşdırmağa, başqalarına kömək etməyə, dostlarla ünsiyyət qurmağa, minnətdarlıq bildirməyə və meditasiya etməyə kömək edən müsbət psixoloji müdaxilələrdən ibarətdir. Bu, “özünə qulluq” doktrinasına ziddir, lakin psixi sağlamlıq problemlərinin əsası ola biləcək mənfi düşüncələrdən qurtulmağa kömək edir.
“Xoşbəxtlik Elmi” kursundan aparılan araşdırmalar, çoxumuz belə qarşılaşmalardan qaçsaq belə, yad insanlarla ünsiyyətin bizi daha xoşbəxt etdiyini də daxil olmaqla, təəccüblü nəticələr ortaya qoydu. Sosial şəbəkələr reputasiyamıza əhəmiyyət verib-verməməyimizdən asılı olaraq faydalı və ya zərərli ola bilər. Tənhalıq immunitet sistemimizi zəiflədərək sağlamlığımıza təsir edir. Optimizm ömrü uzadır. Başqalarına hədiyyə vermək beyindəki mükafat mərkəzlərini aktivləşdirir və bu, çox vaxt özünüzə xərcləməkdən daha çox xoşbəxtlik gətirir. Yuxunun olmaması başqalarının bizi nə qədər yaxşı sevməsinə təsir edir. Təbiətdə gəzmək mənfi fikirləşməni və əlaqəli depressiyanı azaldır. Xeyirxahlıq və xoşbəxtlik bir-birinə bağlıdır.
Beləliklə, yuxarıda göstərilənlərin hamısından xoşbəxtlik reseptlərini qısaca tərtib etməyə çalışaq:
Hədiyyə verin (özünüzə deyil)
Yad adamlarla söhbət edin və tək olmayın
Kifayət qədər yatın və gəzin
Başqalarına kömək edin
Xoşbəxt olun!
Mənbə: mail.ru
Aynur Camal
