Ukrayna Dövlət Sərhəd Xidməti bəyan edib ki, statistikaya görə, yaralı əsgərlərin cəbhədən təxliyəsi zamanı itkilər iki dəfə artıb və yaralıların daşınması üçün elektron xərəyə tətbiq edilib.
Ukrayna-Rusiya müharibəsi bütün şiddəti ilə davam edir.
Ukraynanın şərqində şiddətlənən münaqişələrdə itkilər günü-gündən artır.
Statistikaya görə, yaralı əsgərlərin cəbhədən təxliyəsi zamanı itkilərin iki dəfə artdığı müəyyən edildikdən sonra Ukrayna Dövlət Sərhəd Xidməti tədbir görüb.
Elektron xərəyə problemi aradan qaldırmaq üçün nəzərdə tutulub. Bu kontekstdə dizayn edilən vasitə ilə yaralılar işçi qüvvəsinə ehtiyac olmadan münaqişə bölgəsindən evakuasiya ediləcək.
“Çətin relyefə və buzlara qalib gələ bilər”
Ukrayna Dövlət Sərhəd Xidmətindən verilən açıqlamada “Risksiz xilasetmə artıq mümkündür. Cəbhə statistikası göstərir ki, tibbi evakuasiya zamanı həlak olanların sayı iki dəfə arta bilər. Bununla belə, yerüstü pilotsuz nəqliyyat vasitələri artıq yaralıları döyüş meydanından çıxara bilir. “Onlar çətin ərazini və buzları keçə və 200 kiloqrama qədər yük daşıya bilərlər” deyilib.
Mənbə: EnSonHaber
Aynur Camal
