YouTube izləyiciləri indi mini-oyunları birbaşa yayım xidmətində oynaya bilərlər. Hətta məşhur Angry Birds də var.
“Yeni Gundem” xəbər verir ki, Google YouTube-da Playables funksiyasını işə salıb. O, sadə oyunları birbaşa video xidməti vasitəsilə idarə etməyə imkan verir.
Yenilik artıq bütün dünyada bəzi istifadəçilər üçün əlçatandır.
İndiyə qədər müxtəlif janrlarda az sayda oyun var: bulmacalar, yarışlar, arcade oyunları. Məşhurlar arasında Angry Birds: Showdownla yanaşı ümumilikdə 37 oyun var.
Ən cəlbedicisi odur ki, oyunları yükləməyə ehtiyac yoxdur. Onların hamısı birbaşa brauzerdə və ya mobil proqramda işləyir. Playables-in YouTube-a daha çox istifadəçini, xüsusən də uşaqları cəlb etməyə kömək edəcəyinə inanılır. Funksiya eksperiment kimi işə salınıb. Beta testi martın 28-də başa çatır. Həmin vaxta qədər Google istifadəçilərin yeniliyi bəyənib-bəyənmədiyini anlayacaq, bundan sonra YouTube-da oyun istiqamətinin inkişafı və ya funksiyanın aradan qaldırılması barədə qərar qəbul ediləcək.
Qeyd edilib ki, YouTube Playables-ə ilk daxil olmaq üçün YouTube Premium abunəçisi olmalısınız. Siz həmçinin yeni funksiya test proqramında qeydiyyatdan keçməlisiniz.
Mənbə: mail.ru
Aynur Camal
