Zərdabda abadlıq-quruculuq işləri davam etdirilir.
“Yeni Gündəm” xəbər verir ki, Zərdab şəhəri ərazisində abadlıq və tikinti-quruculuq işləri davam etdirilir. Şəhərin Azərbaycan küçəsində asfaltlanma işlərinə başlanılmışdır. 13500 kv.metr sahəyə asfalt örtüyü vurulması nəzərdə tutulmuşdur. İndiyədək 2000 kv.metr asfalt örtüyü vurulmuşdur. İşlər tikinti norma-qaydalarına uyğun, keyfiyyətlə aparılır və Rayon İcra Hakimiyyəti tərəfindən nəzarətdə saxlanılır. İcra Hakimiyyətinin başçısı ərazidə olmuş və görülən işlərlə tanış olmuşdur. Mərhələli şəkildə və növbəlilik əsasında şəhərin digər ərazilərində də tikinti-quruculuq işlərinin həyata keçirilməsi nəzərdə tutulmuşdur.
