Çin hökuməti yeni növ koronavirus epidemiyası ilə bağlı vəziyyətin nəzarət altında olduğunu bildirsə də, təhlükəli infeksiyaya yoluxma ilə bağlı xəbərlər dünyanın hər yerindən gəlir. Bu, qlobal maliyyə bazarlarında qlobal iqtisadi artımın əhəmiyyətli dərəcədə yavaşlaması ehtimalından qorxan iş adamlarının əhval-ruhiyyəsinə mənfi təsir göstərir.
“Yeni Gündəm” xəbər verir ki, Beynəlxalq Valyuta Fondunun proqnozlarına görə, təhlükəli yeni tip COVID-2019 epidemiyası ilə əlaqədar qlobal iqtisadiyyat ciddi zərbələrlə üzləşəcək.
“COVID-2019 tez bir zamanda dayandırılsa belə, bu, dünyada və Çindəki iqtisadi böyüməyə təsir edəcək. Ümid edirik ki, sürətli bir şəkildə bərpa prosesi olacaq, amma ən az əlverişli ssenarilərə hazırlaşmaq daha ağıllı olar”, – deyə Beynəlxalq Valyuta Fondunun rəhbəri Kristalina Georgieva maliyyə nazirləri və mərkəzi bank rəhbərlərinin G20 görüşündə söyləyib.
İnvestorlar iqtisadi böyümənin yavaşlamasının neft tələbinin azalmasına səbəb olacağından qorxurlar. Bu səbəbdən, dünya bazarlarında yeni həftənin ilk iş günündə ticarət açılışında “qara qızıl”ın kotirovkaları dağılıb.
Beləliklə, auksiona görə, günün ilk saatlarında “Brent” markallı neftin qiyməti 2,81% azalaraq bir barel üçün 56.31 dollar təşkil edib.
WTI markalı neftin bir barelinin qiyməti bu vaxtadək 2,75% azalaraq 51,91 dollar olub.
