Lənkəran rayonu Veravul kəndində fəaliyyət göstərən poçt şöbəsinin bir neçə gün əvvəl bağlanması və kənd yollarının bərbad vəziyyətdə olmasıyla bağlı Analoq.az -a kənd sakinlərinin video müraciəti daxil olub.
Daxil olan muraciətlə bağlı rayon icra hakimiyyətiylə əlaqə yarada bilməsək də , adıçəkilən kəndin icra nümayəndəsi Altay Həsənovdan yaranan problemlə bağlı mövqe öyrənə bildik. Altay Həsənov sorğumuza cavab olaraq bildirdi ki , Viravul kəndinin mərkəzi yolunun əsaslı təmir olunaraq asvalt örtüyünün çəkilməsi işləri baş nazirin 27 may 2024-ci il tarixli əmri ilə gələn (2025-ci) ilin investisiya proqramina daxil edilmisdir. Poçtun baglanmasına səbəb isə aylıq planı doldura bilməməsidir .
Daxil olan video müraciətdə kənd sakinləri bildirib ki , poçtun bağlı olmasına görə məcbur qalıb kommunal ödənişlərə və digər poçt xidmətlərinə görə qonşu kəndə üz tuturlar.
Ümid edirik ki, sakinlərin qaldırdığı problemlər adiyyatı orqanlar tərəfindən tezliklə həllini tapar .
Analoq.az
