Muğlanın Milas rayonunda meşə yanğını baş verib. Ekipajlar yanğını söndürmək üçün havadan və qurudan müdaxilə etməyə davam edir.
“Yeni Gundem” xəbər verir ki, Muğlanın Milas mahalına bağlı Dəmircilər Məhəlləsindəki Hayıtlı meşə sahəsində hələ naməlum səbəbdən yanğın baş verib.
Xəbərdarlıq üzərinə Muğla Meşə Region Müdirliyinə aid hava və quru vasitələri ilə yanğınsöndürənlər bölgəyə sövq edilib.
Kənd təsərrüfatı sahəsinə yaxın ərazidə baş verən yanğının nəzarət altına alınması istiqamətində işlər davam edir.
