Sevinirəm ki, həyat yoldaşımın qanı yerdə qalmadı, biz qələbə qazandıq.
“Yeni Gündəm”-in məlumatına görə, bunu şəhid kapitan Ceyhun Həsənovun həyat yoldaşı Rəvanə Həsənova deyib.
O bildirib ki, həyat yoldaşının qisasının alınması onu qürurlandırır: “Bu həm də məni sakitləşdirir. Övladlarıma gələcəkdə həm atalarının, həm də Ordumuzun şücaətindən danışacağam. Mən fəxr edirəm ki, kapitan Ceyhun Həsənovun xanımı, o cümlədən gələcəyin iki əsgərinin anasıyam. Vətənimizə, torpağımıza və dövlətimizə həmişə xidmət etməyə hazırıq. Biz Ali Baş Komandanımızla, vətənimizlə, şəhidlərimizlə, Ceyhunla fəxr edirik”.
