Yevlax RPŞ-nin əməkdaşları tərəfindən keçirilmiş əməliyyat-axtarış tədbirləri nəticəsində narkotik vasitələri qanunsuz olaraq daşımasında şübhəli bilinən Yevlax rayon sakini, əvvəllər məhkum edilmiş Elçin Orucov saxlanılıb.
DİN-in Mətbuat Xidmətindən “Yeni Gündəm”-ə bildirilib ki, axtarış zamanı onun üzərindən güclü təsiredici xassəyə malik heroin aşkar edilərək götürülüb.
E.Orucov ondan aşkar edilmiş narkotik vasitəni Yevlax rayon sakini Sadiq Şıxıyevdən pul müqabilində aldığını bildirib. Keçirilmiş tədbirlərlə S.Şıxıyev də saxlanılıb. Onun ətrafında davam etdirilən tədbirlərlə həmin narkotik vasitəninin mənbəyinin Yevlax şəhər sakini Bəhruz Novruzov da olduğu müəyyən edilib və o şübhəli şəxs qismində saxlanılıb.
Eləcə də E.Orucovun ətrafında aparılan genişmiqyaslı tədbirlər nəticəsində vətəndaşa məxsus avtomaşından iki ədəd akkumulyator oğurladığı da müəyyən edilib.
Qeyd edilən faktlarla bağlı Yevlax RPŞ-də araşdırmalar davam etdirilir.
