Şotlandiyanın Dandi şəhərində koronavirusa yoluxan ər-arvad müxtəlif xəstəxanalarda eyni gün və saatda vəfat ediblər.
Bu barədə “Daily Mail” yazır.
Belə ki, 2021-ci ilin əvvəlində koronavirusa yluxan 65 yaşlı Marqaret Karlinq xəstəxanaya yerləşdirilib. Bir neçə gün sonra onun 66 yaşlı həyat yoldaşı Qrem Karlinq baş ağrısı ilə başqa bir xəstəxanaya yerləşdirilib. Ona da koronavirus diaqnozu qoyulub.
Yanvarın 19-da Marqaret iki həftəlik mübarizədən sonra dünyasını dəyişib. Eyni gün və saatda onun yoldaşı da xəstəxanada keçinib.
Onların oğlunun sözlərinə görə, atası anasının öldüyünü bilmədən dünyadan köçüb.
Cütlük fevralda dəfn olunub. Onların 3 övladı və 7 nəvəsi olub.
