İran ordusunun Azərbaycanla sərhəd ərazilərdə keçirdiyi hərbi təlimlər zamanı 3 hərbçi həlak olub.
“Yeni Gündəm” xəbər verir ki, bu barədə məlumatı İsrailin Ordu Radiosu öz tviter hesabında paylaşıb.
Məlumata əsasən, 3 iranlı hərbçi “Xeybər fatehləri” adlandırılan təlim zamanı İran helikopterindən buraxılan raket nəticəsində həlak olublar.
Bununla belə, İran ordusunun şimal-qərb regionundakı qərargahının komandanı, briqada generalı Əli Hacilo bu məlumatları təkzib edib və bildirib ki, hərbi təlimlər uğurla həyata keçirilib və heç kim nə yaralanıb, nə də həlak olub.
