Türkiyənin Antalya şəhərində universitet tələbəsi Elif Ülkü Eroğlu küçədə qonşusu Mahsun Tatar tərəfindən fiziki zorakılığa məruz qalıb.
“Yeni Gündəm” Türkiyə mətbuatına istinadən xəbər verir ki, zibil atmağa gedən qız qonşusu tərəfindən ağır söyüşlərlə təhqir olunub.
Buna səbəb gənc qızın qısa şort geyinməsi olub. Daha sonra həmin şəxs gənc qızı saçlarından tutaraq yerdə sürüyüb və döyüb.
Qızın səsini eşidən ailəsi dərhal onu xilas edib. Polis bölməsinə aparılan M.Tatar iddiaları rədd edərək, əksinə qızın ona hücüm etdiyini bildirib.
Antalya polisi faktla bağlı araşdırmalara başlayıb. Sözügedən hadisə sosial şəbəkələrdə ciddi etirazlara səbəb olub.
