“Koronavirus pandemiyası dünyanın digər yerlərində olduğu kimi, Azərbaycanda da fiziki məhdudiyyətlərin tətbiqi ilə nəzarət altına alınıb”.
Bunu onlayn brifinqdə Ümumdünya Səhiyyə Təşkilatının Azərbaycan Nümayəndəliyinin rəhbəri Hande Harmancı bildirib
Onun sözlərinə görə, iki həftə ərzində REACT-C 19 layihəsi çərçivəsində gedilən xəstəxanalarda koronaviruslu xəstələrin sayının azalması yaxşı xəbərdir:
“Havaların istiləşməsi, açıq havada daha çox vaxt keçirilməsi virusun azalmasına imkan verir. Bu, payız fəslinə hazırlaşmağa imkan verir. COVID-19 dünyanın üzləşdiyi son epidemiya və pandemiya deyil. Gələcəkdə də belə viruslar ola bilər.
Karantin rejiminin yumşaldılması ilə müəssisələr fəaliyyətə başlayacaq. Fiziki məsafənin qorunması və havalandırma virusla mübarizədə vacib addımdır”.
H.Harmancı qeyd edib ki, Türkiyədən Azərbaycana gələn həkimlər birinci mərhələ üçün Bakıda işlərini yekunlaşdırıblar və regionlara gedəcəklər.
